Ki-pún-la̍t (fundamental forces) khah hó-sè ê kóng-huat sī ki-pún sann-tsok-iōng (fundamental interaction), i sī kí lia̍p-tsú kap lia̍p-tsú sann-tsok-iōng siōng-kài ki-pún ê ki-tsè, jî-tshiánn bē-tàng koh īng pa̍t tsióng lí-lūn lâi kái-sueh. Sóo-ū ē-tit kuan-tshat--tio̍h ê bu̍t-lí hiān-siōng, uì iông-tsú lāi-té quark tsáinn-īunn tín-tāng, kàu kah tshenn-hē (galaxy) ham tshenn-hē sio lòng, lóng ē-tit īng ki-pún-la̍t lâi sueh-bîng. Hiān-tshú-sî bu̍t-lí-ha̍k-ka ū tshuē tio̍h 4 tsióng ki-pún-la̍t, khiā kóng tāng-la̍t (gravitation), tiān-tsû-la̍t (electromagnetism), jio̍k-la̍t (weak interaction), ham kiông-la̍t (strong interaction).
- Tsit phinn sī uì Hô-ló-pah-kho(Holopedia) ê : "Ki-pún-la̍t" kái lâi--ê. Guân-pún ê tsok-tsiá tshiánn khuànn i ê pian-tsi̍p li̍k-sú.