台語百科 Wiki
注册
Advertisement

高雄市(白話字:Ko-hiông-chhī)是臺灣直轄市,位佇臺灣西南部的都市。其轄域東北到中央山脈玉山主峰,西南到南海上的南沙太平島中洲島東沙群島。順時針方向佮臺南市嘉義縣南投縣花蓮縣臺東縣屏東縣等縣市做厝邊。面積有2,952平方公里;設籍人口277.6萬人。高雄市自19世紀末開港,舊名「打狗」,是高雄 たかお / Takao 的日語發音,日本時代發展做海港城市佮軍事要地,有「港都」的名,而且佇20世紀中以後成做臺灣南部政治經濟交通的中心。

地名[]

根據日本人類學伊能嘉矩的考證,今高雄沿海古早以前主要予Má-ká-tau族咧蹛,佇這个族的語言當中,用做防範海盜(hái-tō) 的刺竹林仔叫做「takau」。漢人照𪜶的方言音譯做「打狗」(Táⁿ-káu),《鳳山縣志》嘛將在地的Má-ká-tau部落記載做「打狗社」。官方文書有時雅化做「打鼓」。西方人嘛有寫做「Takow」、「Tancoia」等名。除了打狗以外,相對現在屏東縣東港,高雄有捌過「西港」的名。至於(chì-î)日本對臺灣的另外一種稱呼「高砂」抑是「高砂國」,嘛是對「打狗」之名來的。

佇日本時代,日本人依照「takau」的日語訓讀諧音將「打狗」兩个字改寫做漢字「高雄 Takao」,源佇日本京都右京的高雄山,此个制度佇1920年實施。直到1945年以前,「高雄」兩个字是用日語拼音「Takao」來羅馬化。二戰了後,中華民國政府才共「高雄」用華語威妥瑪拼音改寫做「Kaohsiung」,是目前主要佇世界上通行的名。

臺灣其他本地語言對高雄的稱呼,有布農語拉阿魯哇語(Hla'alua)、卡那卡那富語(Kanakanavu)的Takau,佮泰雅語的Takaw等等。

行政區劃[]

原本的高雄市是11區,2010年縣市合併以後,高雄市現在有38个區。

  • 高雄市區:楠梓區左營區三民區鼓山區鹽埕區前金區新興區前鎮區苓雅區旗津區小港區
  • 鳳山地區:鳳山區大寮區鳥松區林園區仁武區大樹區大社區
  • 岡山地區:路竹區橋頭區梓官區彌陀區永安區燕巢區田寮區阿蓮區茄萣區湖內區
  • 旗山地區:旗山區美濃區內門區杉林區甲仙區六龜區
  • 原住民區:茂林區那瑪夏區桃源區
Advertisement