|
| 免负责声明 ‧ 参考工具：台湾闽南语常用词辞典 ‧ 台文／华文线顶辞典 ‧ 信望爱《台语工具》 |
|
| Bián hū-tsik sing-bîng‧ Tsham-khó kang-khū：Tâi-bûn／Huâ-bûn suànn-tíng sû-tián ‧ Tâi-uân Bân-lâm-gí siông-iōng-sû sû-tián ‧ Sìn-bōng-ài《Tâi-gí kang-khū》 |
新文章：陈达
陈达（Tân Ta̍t），台湾有名声的民谣音乐家，伊那唱那弹的彼首"思想起"是伊的代表作，陈达无受教育，毋捌字，伊有四分之一的原住民血统，伊弹的乐器是月琴。
Tân Ta̍t (陈达), Tâi-uân ū miâ-siann ê bîn-iâu im-ga̍k-ka. I ná tshìunn ná tuânn ê hit síu "Su-siáng-ki" sī i ê tāi-piáu-tsok. Tân Ta̍t bô sīu kàu-io̍k, m̄-bat jī. I ū 1/4 ê guân-tsū-bîn hiat-thóng. I tuânn ê ga̍k-khì sī gue̍h-khîm.
1967年，音乐家史惟亮佮许常惠耽咧进行第1?/2? 摆的台湾民间歌谣采集运动。
1967 nî, im-ga̍k-ka Sú Uî-liōng (史惟亮) kap Khóo Siông-huī (许常惠) tânn-teh tsìn-hîng tē 1?/2? pái ê tâi-uân bîn-kan kua-iâu tshái-tsip ūn-tōng.
In臭拄坎发现时当62岁的陈达，彼时陈达小可仔有年岁矣，而且目睭半青盲，身躯毋带疾，伊唱歌的歌声诚凄凉，唱的歌词阁有诗的气味，加月琴配搭起来，伊的演唱会使讲感情真丰沛，一寡音乐家邀请陈达到台北演出佮接受访问，结果受着逐家的欢迎，电视佮报纸拢有报，嘛有录一寡专辑，其中上有名的著是思想起。
In tshàu-tú-khám huat-hiān sî tong 62 hè ê Tân Ta̍t. Hit sî Tân Ta̍t sió-khuá-á ū nî-hè--a, jî-tshiánn ba̍k-tsiu puànn tshinn-bînn, sin-khu m̄ tài-tsi̍t. I tshìunn-kua ê kua-siann tsiānn tshi-liông, tshìunn ê kua-sû koh ū si ê khì-bī, ka gue̍h-khîm phuè-tah khì-lâi, I ê ián-tshìunn uē-sài kóng kám-tsîng tsin hong-phài. Tsi̍t-kua im-ga̍k-ka iau-tshiánn Tân Ta̍t kàu Tâi-pak ián-tshut kap tsiap-sīu hóng-mn̄g, kiat-kó sīu-tio̍h ta̍k-ke ê huan-gîng. Tiān-sī kap pòo-tsuá lóng ū pòo, mā ū lo̍k tsi̍t-kua tsuan-tsip. Kî-tiong siōng ū miâ ê, tio̍h-sī Su-siáng-ki.
音乐家史惟亮捌讲："伊是一个做曲家，因为伊爱适应歌词，有法度自由的修改已经有的曲，伊是一个诗人，因为伊会使这时先前，创造活跳跳的歌词来描写感情，讲古抑是讲道理，伊嘛是会使那唱那弹的演唱家"，许常惠嘛伫伊的日记按呢写："我伫离开台北500公里外的恒春的荒山僻野中央，为一个瘦阁褴褛的老侬流目屎。"
Im-ga̍k-ka Sú Uî-liōng bat kóng:"I sī tsi̍t-ê tsò-khiok-ka, in-uì i ài sik-ìng kua-sû, ū huat-tōo tsū-îu ê siu-kái í-king ū ê khiok. I sī tsi̍t-ê su-jîn, in-uì i uē-sài tsit-sî sing-tsîng, tshòng-tsō ua̍h-thiàu-thiàu ê kua-sû lâi biâu-siá kám-tsîng, kóng kóo ia̍h-sī kóng tō-lí. I mā sī uē-sài ná tshìunn ná tuânn ê ián-tshìunn-ka". Khó Siông-huī mā tī i ê ji̍t-kì án-ne siá: "Guá tī lî-khui Tâi-pak 500 kong-lí guā ê hîng-tshun ê hong-suann phià-iá tiong-ng, uī tsi̍t-ê sàn koh lâm-luì ê lāu-lâng lâu ba̍k-sái. "
1975年，陈达年岁有较悬矣，有当时会痟痟，精神的状况毋是真好，嘛定定伫街仔luā-luā趖，1981年，伊决定欲转去故乡恒春，转去恒春了后，伫四月十一号彼工，伫过街仔路的时予一台超速的游览车弄著，送病院的中央著过身矣，享年76岁。
1975 nî, Tân Ta̍t nî-huè ū kha kuân-a, ū tāng-sî ē siáu-siáu, tsing-sîn ê tsōng-khóng m̄-sī tsin hó. Mā tiānn-tiānn tī kue-á-tíng luā-luā-sô. 1981 nî, i kuat-tīng beh tńg-khì kòo-hiong hìng-tshun. Tńg-khì hìng-tshun liáu-āu, tī 4 ge̍h 11 hōo hit kang, tī kè ke-á-lōo ê sî hōo tsit-tâi tshiau-sok ê îu-lám bus lòng-tio̍h, sàng pīnn-īnn ê tiong-ng tio̍h kè-sin--a. Hióng-liân 76 hè.
陈达的音乐
陈达用河佬话唱恒春民谣，毋过有个研究者认为，遮的民谣真济是按平埔族的歌谣来的。
Tân Ta̍t ê im-ga̍k
Tân Ta̍t iōng hō-ló-uē tshíunn hīng-tshun bîn-iâu, m̄-koh ū-ê gián-kìu-tsiá jīn-uî, tsia-ê bîn-iâu tsin-tsuē sī àn pînn-poo-tso̍k ê kua-iâu lâi--ê.
专辑
- 1969年，民族乐手--陈达佮伊的歌。
- 民族乐手陈达佮伊的歌，洪建全教育文化基金会出版，唱片 NO.HF-1003，1977年5月，台北，史惟亮编著。
- 陈达佮恒春调念歌，第一唱片公司，1979年9月。
Tsuan-tsip
- 1969 nî, Bîn-tso̍k ga̍k-tshíu -- Tân Ta̍t kap I ê kua.
- Bîn-tso̍k ga̍k-tshíu Tân Ta̍t kap i ê kua, Âng Kiàn-tsuân Bûn-huà Ki-kim-huē tshut-pán, tshíunn-phìnn NO.HF-1003, 1977 nî 5 ge̍h, Tâi-pak. Sú Uî-liōng pian-tù
- Tân Ta̍t kap Hīng-tshun-tiāu liām-kua, Tē-it Tshíunn-phìnn Kong-si, 1979 nî 9 ge̍h
外部链接
Guā-pōo liân-kiat
- 这篇文章是对河佬百科(Holopedia)的："Tân Ta̍t"改来的，原本文章的作者请看伊的编辑历史。
新闻
媒体
新相片
南路鹰。（翕相： M.Nishimura）