|
免负责声明 ‧ 参考工具:台湾闽南语常用词辞典 ‧ 台文/华文线顶辞典 ‧ 信望爱《台语工具》 |
|
Bián hū-tsik sing-bîng‧ Tsham-khó kang-khū:Tâi-bûn/Huâ-bûn suànn-tíng sû-tián ‧ Tâi-uân Bân-lâm-gí siông-iōng-sû sû-tián ‧ Sìn-bōng-ài《Tâi-gí kang-khū》 |
新文章
黄文雄(N̂g Bûn-hiông;1937年10月2— ),台湾独立运动的参与者,1970年美国纽约市424刺蒋案的主角,捌担任过台湾人权促进会会长,中华民国国策顾问,专门负责佮人权有关系的议题。
N̂g Bûn-hiông (黄文雄, 1937 nî 10 gue̍h 2—), Tâi-uân to̍k-li̍̍p ūn-tōng ê tsham-ú-tsiá, 1970 nî Bí-kok New York-tshī 424 tshì Tsíunn àn (四二四刺蒋案) ê tsú-kak. Bat tam-jīm kuè Tâi-uân Jîn-khuân Tshiok-tsìn-huē huē-tíunn, Tiong-huâ Bîn-kok kok-tshik kòo-būn, tsuan-bûn hū-tsik kah jîn-khuân ū kuan-hē ê gī-tê.
黄文雄1937年出世伫台湾新竹西门的林家大厝,外公是林占梅的后代,老爸捌做过新竹水道水水厂的厂长,1950年代,退守台湾的国民党,为着安定政治局势,实行大规模的扫"共匪仔"行动,岛内会使讲是人人自危,真济异议人士因为按予予人掠起来关入监牢,黄文雄的老爸是一个老实的公务人员,嘛因为这款的白色恐怖煞变做犯人入监。
N̂g Bûn-hiông 1937 nî tshut-sì tī Tâi-uân Sin-tik Se-mn̂g ê Lîm--ka tuā-tshù, guā-kong sī Lîm Tsiam-buê (林占梅) ê hiō-tāi, lāu-pē bat tsò-kuè Sin-tik tsuí-tō-tsuí tsuí-tshíunn ê tshíunn-tíunn. 1950 nî-tāi, thè-síu Tâi-uân ê Kok-bîn-tóng, uī-tio̍h an-tīng tsìng-tī kio̍k-sè, si̍t-hîng tuā kui-bôo ê sàu "kiōng-huí-á" hîng-tōng, tó-lāi ē-sái kóng sī jîn-jîn tsū-guî, tsin-tsē ī-gī jîn-sū in-uī án-ne hōo lâng lia̍h--khí-lâi kuainn ji̍p kann-lô. N̂g Bûn-hiông ê lāu-pé sī tsi̍t-ê láu-si̍t ê kong-bū-jîn-uân, mā in-uī tsit-khuán ê pe̍h-sik khióng-pòo suah piàn-tsò huān-lâng ji̍p-kann.
黄文雄伫新竹中学毕业了后,考牢国立政治大学新闻系,后来伫妈祖离岛东犬岛(东莒)做兵,退伍了伫1963年捌读一冬政治大学的新闻研究所,伊伫1964年得着美国匹兹堡大学(University of Pittsburgh)的奖学金,到遐读社会学研究所,1966年转去康乃尔大学(Cornell University)社会学博士班,伫彼时的反战运动佮学生运动中拢真活显。
N̂g Bûn-hiông tī Sin-tik Tiong-o̍h pi̍t-gia̍p liáu-āu, khó tiâu Kok-li̍p Tsìng-tī Tāi-ha̍k sin-bûn-hē, āu--lâi tī Má-tsóo lî-tó 东犬岛 (东莒) tsò-ping, thè-ngóo liáu tī 1963 nî bat tha̍k 1-tang Tsìng-tī Tāi-ha̍k ê sin-bûn gián-kìu-sóo. I tī 1964 nî tit-tio̍h Bí-kok Phit-tsu-pó Tāi-ha̍k(University of Pittsburgh) ê tsíunn-ha̍k-kim, kàu hia tha̍k siā-huē-ha̍k gián-kìu-sóo. 1966 nî tsuán khì Khong-nái-ní Tāi-ha̍k((Cornell University) siā-huē-ha̍k phok-sū-pan, tī hit-sî ê huán-tsiàn ūn-tōng kap ha̍k-sing ūn-tōng tiong lóng tsin ua̍h-hiánn.
- 这篇文章是对河佬百科(Holopedia)的:"N̂g Bûn-hiông (chèng-tī-ka)"改来的,原本文章的作者请看伊的编辑历史。