|
| 免負責聲明 ‧ 參考工具：臺灣閩南語常用詞辭典 ‧ 臺文／華文線頂辭典 ‧ 信望愛《臺語工具》 |
|
| Bián hū-tsik sing-bîng‧ Tsham-khó kang-khū：Tâi-bûn／Huâ-bûn suànn-tíng sû-tián ‧ Tâi-uân Bân-lâm-gí siông-iōng-sû sû-tián ‧ Sìn-bōng-ài《Tâi-gí kang-khū》 |
新文章：烏水溝
烏水溝（臺灣海峽），是佇咧臺灣佮中國大陸中間的一條海溝，地理學指明臺灣海峽的海域範圍是按呢的：上北爿參東海的分界線是以臺灣島的富貴角到福建平潭島的連線為標準，上南爿是以福建東山島和臺灣鵝鑾鼻之間的連線做分界線， 倚南爿就是南海佮巴士海峽。
Oo-tsúi-kau (Tâi-uân Hái-kiap), sī tī-leh Tâi-uân kah Tiong-kok Tāi-lio̍k tiong-kan ê tsi̍t tiâu hái-kau. Té-lí-ha̍k tsí-bêng Tâi-uân-hái-kiap ê hái-hi̍k huān-ûi sī án-ne ê: siōng pak-pîng tsham Tang-hái ê hun-kài-suànn sī í Tâi-uân-tó ê Hù-kùi-kak kah Hok-kiàn Pîng-thâm-tó ê liân-suànn ûi piau-tsún; siong lâm pîng sī í Hok-kiàn Tang-suann-tó hām Tâi-uân Gô-luân-phīnn tsi-kan ê liân-suànn tsò hun-kài-suànn, uá lâm pîng to̍h-sī Lâm-hái kah Pa-sū-hái-kiap.
臺灣海峽主要嘛是大陸架（大陸棚）的地理形態，海的深度無超過兩百公尺，海域內的島嶼，除了靠近大陸的沿海島嶼以外，猶閣有澎湖群島佮屏東的小硫球。
Tâi-uân-hái-kiap tsú-iàu mā-sī Tāi-lio̍k-kè (Tāi-lio̍k-pênn) ê té-lí hîng-thài. Hái ê tshim-tōo bô tshiau-kuè nn̄g-pah kong-tshioh. Hái-hi̍k lāi ê tó-sū, tî-liáu khò-kīn Tāi-lio̍k ê iân-hái tó-sū í-guā, iáu-koh ū Phênn-ôo-kûn-tó kah Pîn-tong ê Sió-liû-kiû.
往過，臺灣海峽予人叫做烏水溝，明、清兩個朝代，誠濟閩南人佮廣東的客人仔先後蹽過這條烏水溝來到臺灣開荒，真濟過島的人予風湧佮海水欱去，永遠無命閣重生，對古早人來講，臺灣海峽是遐爾仔風險，會當講是"十去九無命"，到今佇閩南佮臺灣民間攏有咧講一句俗語話，號做"蹽水過臺灣，下跤（雙跤）結兩丸"。
Íng-kuè, Tâi-uân-hái-kiap hōo lâng kiò-tsuè Oo-tsúi-kau. Bîng, tshing nn̄g-ê tiâu-tāi, tsiânn tsuē Bân-lâm-lâng kah Kńg-tang ê kheh-lâng-á sian-āu liâu-kuè tsit-tiâu oo-tsúi-kau lâi-kàu Tâi-uân khui-hng. tsin tsuē kuè tó ê lâng hōo hong-íng kah hái-tsúi hap--khì, íng-uán bô-miā koh tiōng-sing. Tùi kóo-tsá-lâng lâi kóng, Tâi-uân-hái-kiap sī hiah-nī-á hong-hiám, ē-tàng kóng sī "tsa̍p khì káu bô-miā". Kàu-tann tī Bân-lâm kah Tâi-uân bîn-kan lóng ū teh kóng tsi̍t-kù sio̍k-gí-uē, hōo-tsuè "liâu-tsúi kuè Tâi-uân, ē-kha (siang-kha) kiat nn̄g-uân".
- 這篇文章是對河佬百科(Holopedia)的："O͘-chúi-kau"改來的，原本文章的作者請看伊的編輯歷史。
新聞
新相片
南路鷹。（翕相： M.Nishimura）