台語百科 Wiki
注册
无编辑摘要
无编辑摘要
第1逝: 第1逝:
<div style="font-size:15px;">
 
 
 
{| style="width:100%; background:#fcfcfc; margin-top:0.2em; border:1px solid #ccc;"
 
{| style="width:100%; background:#fcfcfc; margin-top:0.2em; border:1px solid #ccc;"
 
|style="width:56%; color:#000"|
 
|style="width:56%; color:#000"|
第6逝: 第4逝:
 
|style="width:350px; text-align:center; white-space:nowrap; color:#000;"|
 
|style="width:350px; text-align:center; white-space:nowrap; color:#000;"|
 
<div style="font-size:135%; font-weight:bold; border:none; margin:0; padding:.1em; color:#000;">歡迎大駕光臨臺語百科!</div>
 
<div style="font-size:135%; font-weight:bold; border:none; margin:0; padding:.1em; color:#000;">歡迎大駕光臨臺語百科!</div>
<div style="top:+0.2em; font-size:90%;">遮是用[[臺語]]寫世界[[智識]]的[[百科全書|百科]]。</div>
+
<div style="top:+0.2em; font-size:100%;">遮是用[[臺語]]寫世界[[智識]]的[[百科全書|百科]]。</div>
 
<div id="articlecount" style="width:100%; text-align:center; font-size:100%;">這馬有[[Special:AllPages|{{NUMBEROFARTICLES}}]]篇文章,遮是開放的網站,你嘛會當[[Special:CreatePage|貢獻]]你的智識,<br/>
 
<div id="articlecount" style="width:100%; text-align:center; font-size:100%;">這馬有[[Special:AllPages|{{NUMBEROFARTICLES}}]]篇文章,遮是開放的網站,你嘛會當[[Special:CreatePage|貢獻]]你的智識,<br/>
 
抑是佇本站[[Special:Random|罔掀罔看]],或者入來[[台語百科 Wiki:社里門喙口|內底]]來共阮批評指教。</div>
 
抑是佇本站[[Special:Random|罔掀罔看]],或者入來[[台語百科 Wiki:社里門喙口|內底]]來共阮批評指教。</div>
第33逝: 第31逝:
 
<div style="font-size:135%; font-weight:bold; border:none; margin:0; padding:.1em; color:#000;"> Huan-gîng tāi-kà kong-lîm Tâi-gí pah-kho!</div>
 
<div style="font-size:135%; font-weight:bold; border:none; margin:0; padding:.1em; color:#000;"> Huan-gîng tāi-kà kong-lîm Tâi-gí pah-kho!</div>
 
<div style="top:+0.2em; font-size:100%;">Tsia sī iōng [[tâi-gí]] siá sè-kài [[tì-sik]] ê [[pik-kho-tsuân-su|pah-kho]].</div>
 
<div style="top:+0.2em; font-size:100%;">Tsia sī iōng [[tâi-gí]] siá sè-kài [[tì-sik]] ê [[pik-kho-tsuân-su|pah-kho]].</div>
<div id="articlecount" style="width:100%; text-align:left; font-size:85%;">Tsit-má ū [[Special:AllPages|{{NUMBEROFARTICLES}}]] phinn bûn-tsiunn. Tsia sī khai-hòng ê bāng-tsām. Lí mā ē-tàng [[Special:CreatePage|kòng-hiàn]] lí ê tì-sik.<br/>
+
<div id="articlecount" style="width:100%; text-align:left; font-size:100%;">Tsit-má ū [[Special:AllPages|{{NUMBEROFARTICLES}}]] phinn bûn-tsiunn. Tsia sī khai-hòng ê bāng-tsām. Lí mā ē-tàng [[Special:CreatePage|kòng-hiàn]] lí ê tì-sik.<br/>
 
Ia̍h-sī tī pún tsām [[Special:Random|bóng-hian-bóng-khuànn]]. <br/>
 
Ia̍h-sī tī pún tsām [[Special:Random|bóng-hian-bóng-khuànn]]. <br/>
 
Hi̍k-tsiá ji̍p-lâi [[台語百科 Wiki:社里門喙口|lāi-té]] lâi kā gún phue-phîng tsí-kàu.</div>
 
Hi̍k-tsiá ji̍p-lâi [[台語百科 Wiki:社里門喙口|lāi-té]] lâi kā gún phue-phîng tsí-kàu.</div>
第116逝: 第114逝:
 
==新相片==
 
==新相片==
 
[[File:南路鷹.jpg|500px|thumb|left|南路鷹。(翕相: M.Nishimura)]]
 
[[File:南路鷹.jpg|500px|thumb|left|南路鷹。(翕相: M.Nishimura)]]
 
</div>
 

2012年9月22日 (拜六) 15:30的版本

歡迎大駕光臨臺語百科!
遮是用臺語寫世界智識百科
這馬有4,568篇文章,遮是開放的網站,你嘛會當貢獻你的智識,
抑是佇本站罔掀罔看,或者入來內底來共阮批評指教。
免負責聲明 ‧ 參考工具:臺灣閩南語常用詞辭典臺文/華文線頂辭典信望愛《臺語工具》
Huan-gîng tāi-kà kong-lîm Tâi-gí pah-kho!
Tsia sī iōng tâi-gí siá sè-kài tì-sik ê pah-kho.
Tsit-má ū 4,568 phinn bûn-tsiunn. Tsia sī khai-hòng ê bāng-tsām. Lí mā ē-tàng kòng-hiàn lí ê tì-sik.

Ia̍h-sī tī pún tsām bóng-hian-bóng-khuànn.

Hi̍k-tsiá ji̍p-lâi lāi-té lâi kā gún phue-phîng tsí-kàu.
Bián hū-tsik sing-bîng‧ Tsham-khó kang-khū:Tâi-bûn/Huâ-bûn suànn-tíng sû-tián

Tâi-uân Bân-lâm-gí siông-iōng-sû sû-tiánSìn-bōng-ài《Tâi-gí kang-khū》

新文章:陳達

陳達(Tân Ta̍t),臺灣有名聲的民謠音樂家,伊那唱那彈的彼首"思想起"是伊的代表作,陳達無受教育,毋捌字,伊有四分之一的原住民血統,伊彈的樂器是月琴

Tân Ta̍t (陳達), Tâi-uân ū miâ-siann ê bîn-iâu im-ga̍k-ka. I ná tshìunn ná tuânn ê hit síu "Su-siáng-ki" sī i ê tāi-piáu-tsok. Tân Ta̍t bô sīu kàu-io̍k, m̄-bat jī. I ū 1/4 ê guân-tsū-bîn hiat-thóng. I tuânn ê ga̍k-khì sī gue̍h-khîm.

1967年音樂家史惟亮許常惠耽咧進行第1?/2? 擺的臺灣民間歌謠採集運動。

1967 nî, im-ga̍k-ka Sú Uî-liōng (史惟亮) kap Khóo Siông-huī (許常惠) tânn-teh tsìn-hîng tē 1?/2? pái ê tâi-uân bîn-kan kua-iâu tshái-tsip ūn-tōng.

In臭拄坎發現時當62歲的陳達,彼時陳達小可仔有年歲矣,而且目睭半青盲,身軀毋帶疾,伊唱歌的歌聲誠悽涼,唱的歌詞閣有詩的氣味,加月琴配搭起來,伊的演唱會使講感情真豐沛,一寡音樂家邀請陳達到臺北演出佮接受訪問,結果受著逐家的歡迎,電視佮報紙攏有報,嘛有錄一寡專輯,其中上有名的著是思想起。

In tshàu-tú-khám huat-hiān sî tong 62 hè ê Tân Ta̍t. Hit sî Tân Ta̍t sió-khuá-á ū nî-hè--a, jî-tshiánn ba̍k-tsiu puànn tshinn-bînn, sin-khu m̄ tài-tsi̍t. I tshìunn-kua ê kua-siann tsiānn tshi-liông, tshìunn ê kua-sû koh ū si ê khì-bī, ka gue̍h-khîm phuè-tah khì-lâi, I ê ián-tshìunn uē-sài kóng kám-tsîng tsin hong-phài. Tsi̍t-kua im-ga̍k-ka iau-tshiánn Tân Ta̍t kàu Tâi-pak ián-tshut kap tsiap-sīu hóng-mn̄g, kiat-kó sīu-tio̍h ta̍k-ke ê huan-gîng. Tiān-sī kap pòo-tsuá lóng ū pòo, mā ū lo̍k tsi̍t-kua tsuan-tsip. Kî-tiong siōng ū miâ ê, tio̍h-sī Su-siáng-ki.

音樂家史惟亮捌講:"伊是一个做曲家,因為伊愛適應歌詞,有法度自由的修改已經有的曲,伊是一个詩人,因為伊會使這時先前,創造活跳跳的歌詞來描寫感情,講古抑是講道理,伊嘛是會使那唱那彈的演唱家",許常惠嘛佇伊的日記按呢寫:"我佇離開臺北500公里外的恆春的荒山僻野中央,為一个瘦閣襤褸的老儂流目屎。"

Im-ga̍k-ka Sú Uî-liōng bat kóng:"I sī tsi̍t-ê tsò-khiok-ka, in-uì i ài sik-ìng kua-sû, ū huat-tōo tsū-îu ê siu-kái í-king ū ê khiok. I sī tsi̍t-ê su-jîn, in-uì i uē-sài tsit-sî sing-tsîng, tshòng-tsō ua̍h-thiàu-thiàu ê kua-sû lâi biâu-siá kám-tsîng, kóng kóo ia̍h-sī kóng tō-lí. I mā sī uē-sài ná tshìunn ná tuânn ê ián-tshìunn-ka". Khó Siông-huī mā tī i ê ji̍t-kì án-ne siá: "Guá tī lî-khui Tâi-pak 500 kong-lí guā ê hîng-tshun ê hong-suann phià-iá tiong-ng, uī tsi̍t-ê sàn koh lâm-luì ê lāu-lâng lâu ba̍k-sái. "

1975年,陳達年歲有較懸矣,有當時會痟痟,精神的狀況毋是真好,嘛定定佇街仔luā-luā趖,1981年,伊決定欲轉去故鄉恆春,轉去恆春了後,佇四月十一號彼工,佇過街仔路的時予一臺超速的遊覽車挵著,送病院的中央著過身矣,享年76歲。

1975 nî, Tân Ta̍t nî-huè ū kha kuân-a, ū tāng-sî ē siáu-siáu, tsing-sîn ê tsōng-khóng m̄-sī tsin hó. Mā tiānn-tiānn tī kue-á-tíng luā-luā-sô. 1981 nî, i kuat-tīng beh tńg-khì kòo-hiong hìng-tshun. Tńg-khì hìng-tshun liáu-āu, tī 4 ge̍h 11 hōo hit kang, tī kè ke-á-lōo ê sî hōo tsit-tâi tshiau-sok ê îu-lám bus lòng-tio̍h, sàng pīnn-īnn ê tiong-ng tio̍h kè-sin--a. Hióng-liân 76 hè.

陳達的音樂

陳達用河佬話唱恆春民謠,毋過有个研究者認為,遮的民謠真濟是按平埔族的歌謠來的。

Tân Ta̍t ê im-ga̍k

Tân Ta̍t iōng hō-ló-uē tshíunn hīng-tshun bîn-iâu, m̄-koh ū-ê gián-kìu-tsiá jīn-uî, tsia-ê bîn-iâu tsin-tsuē sī àn pînn-poo-tso̍k ê kua-iâu lâi--ê.

專輯

  • 1969年,民族樂手--陳達佮伊的歌。
  • 民族樂手陳達佮伊的歌,洪建全教育文化基金會出版,唱片 NO.HF-1003,1977年5月,臺北,史惟亮編著。
  • 陳達佮恆春調唸歌,第一唱片公司,1979年9月。

Tsuan-tsip

  • 1969 nî, Bîn-tso̍k ga̍k-tshíu -- Tân Ta̍t kap I ê kua.
  • Bîn-tso̍k ga̍k-tshíu Tân Ta̍t kap i ê kua, Âng Kiàn-tsuân Bûn-huà Ki-kim-huē tshut-pán, tshíunn-phìnn NO.HF-1003, 1977 nî 5 ge̍h, Tâi-pak. Sú Uî-liōng pian-tù
  • Tân Ta̍t kap Hīng-tshun-tiāu liām-kua, Tē-it Tshíunn-phìnn Kong-si, 1979 nî 9 ge̍h

外部連結

Guā-pōo liân-kiat


新聞

媒體

新相片

南路鷹

南路鷹。(翕相: M.Nishimura)