靈魂，若照濟濟宗教佮哲學的傳統來講，是活物裡的一款輕搖搖的存在，靈魂有家治的意識，佇頭前講的遮的傳統裡，靈魂代表活物伊本身的內在本質（元神），嘛成做知覺的基礎，和靈比並，靈這个觀念在人講，是毋是永遠的無定著，總是一般攏認為靈魂是不朽的，閣是佇靈魂佇咧的肉體進前，就代先有的。
Lîng-hûn, nā tsiàu tsē-tsē tsong-kàu kap tiat-ha̍k ê thuân-thóng lâi kóng, sī ua̍h-mi̍h--ni̍h ê tsi̍t-khuán khin-iô-iô ê tsûn-tsāi, lîng-hûn ū ka-tī ê ì-sik, tī thâu-tsîng kóng--ê tsiah-ê thuân-thóng--ni̍h, lîng-hûn tāi-piáu ua̍h-mi̍h i pún-sin ê luē-tsāi pún-tsit (guân-sîn), mā tsiânn-tsuè ti-kak ê ki-tshó. Hām lîng pí-phīng, lîng tsit-ê kuan-liām tsāi lâng kóng, sī m̄-sī íng-uán--ê bô-tiānn-tio̍h, tsóng--sī it-puann lóng jīn-uî lîng-hûn sī put-híu--ê, koh sī tī lîng-hûn tī-leh ê jio̍k-thé tsìn-tsîng, tō tāi-sing ū--ê.
靈魂的觀念佮後世人有真大的關係，毋過逐款意見精差誠濟，就準是佇仝一个宗教內底，對死了後靈魂會按怎，看法嘛無接洽，有真濟宗教界或者是哲學界的人認為靈魂是非物質的，毋過oan-nā有人掠靈魂當做有物質的成分，閣較有人想欲知影靈魂有偌重。
Lîng-hûn ê kuan-liām kap āu-sì-lâng ū tsin tuā ê kuan-hē, m̄-koh ta̍k-khuán ì-kiàn tsing-tsha tsiânn tsē, tō-tsún-sī tī kāng-tsi̍t-ê tsong-kàu lāi-té, tuì sí liáu-āu lîng-hûn ē án-tsuánn, khuànn-huat mā bô tsiap-hia̍p. Ū tsin tsē tsong-kàu-kài hi̍k-tsiá-sī tiat-ha̍k-kài ê lâng jīn-uî lîng-hûn sī hui-bu̍t-tsit--ê, m̄-koh uan-nā ū lâng lia̍h lîng-hûn tòng-tsò ū bu̍t-tsit ê sîng-hun, koh-khah ū lâng sīunn-beh tsai-iánn lîng-hûn ū guā tāng.
- 這篇文章是對河佬百科(Holopedia)的："Lêng-hûn"改來的，原本文章的作者請看伊的編輯歷史。