道教（tō-kàu）是中國第二大的宗教，嘛是獨獨中國才有爾，道教主張"清靜無為，長生不老，得道成仙"。
道教的歷史[]
道教源於先秦時代的道家思想佮秦漢時期蓋時行的"神仙方術"，東漢末年，張道陵佇四川地區創立第一個道教組織"五斗米道"，後來，張角又閣提倡"太平道"，tshuā頭發動"黃巾起義"。
到甲南北朝的時代，彼時"煉丹術"真時行，道教嘛得著真大的發展，有一個號做"寇謙之"的人得著北魏太武帝的支持，建立"北天師道"，siâng時閣有另外一個名叫"陸修靜"的人創立"南天師道"，到甲唐朝的時陣，道教已經予人真重視矣。
基本教義[]
道教主張"清靜無為"，要求修道的人就愛"修身養性"，追求"得道成仙"，道教崇拜的神仙，大多數是中國歷史上的真人實事，道教嘛對佛教遐吸收真濟理論佮傳說，閣而且攏總共轉做中國的文化，道教的閻羅王、判官、龍王遮的神攏總對伊真實的姓名，民間的道教往往將某一個所在的出名人，"清廉的老爹"（清官）抑是英雄奉待做城隍抑是土地神，予怹來接受信徒的參拜。
道教的派別[]
道教上主要有兩個派別：全真派佮正一派。
重要的經文、古冊典[]
道教信奉老子的"道德經"佮莊子的"南華經"這兩部經冊，這以外，道教ôan-á有仿照佛教的"大藏經"創造家己的"道藏"。
道教的影響程度[]
道教對中國傳統文化的影響足大的，譬如講氣功、導引、針灸等等，啊自古以來，道士攏好煉丹，所以怹嘛是中國古代上早出現的"化學家"，有人咧臆講，火藥凡勢就是道士發明的，道教講究"出世"的觀念，拄拄好參儒教"入世"的觀念顛倒反，另外道教嘛無像佛教有遐爾濟的戒律，所以歷史上有真濟佇政壇失志的智識人到尾仔攏"落道教"(信道教)，嘛因為按呢，道教對中國的哲學、藝術佮文學攏影響真大。
道教參民間宗教[]
中國的民間宗教大多數佮道教有牽連，不而過遮的民間宗教攏無通得著中國政府的認同，中國的宗教主要有：白蓮教、八卦教、太平道。
道教的人物[]
- 老子
- 郭象
- 張角