台語百科 Wiki
Advertisement

藝術是某一寡作品(物件抑活動)或者是藝術表演者本身,和觀賞者中間互相影響,致使產生精神上、心理上佮感覺的變化的活動。

Gē-su̍t sī bóo-tsi̍t-kuá tsok-phín (mi̍h-kiānn ia̍h ua̍h-tōng) hi̍k-tsiá-sī gē-su̍t piáu-hiān-tsiá pún-sin, hām kuan-sióng-tsiá tiong-kan hōo-siong íng-hióng, tì-sú sán-sing tsing-sîn-siōng, sim-lí-siōng, kap kám-kak ê piàn-huà ê ua̍h-tōng.

這款活動特別強調觀賞者對作者(表演藝術的人)的行做的掌握,咱共遐的予作者佮觀賞者產生交含的手路、媒體、對象等等的作品,和這規个過程,攏叫做藝術。

Tsit-khuán ua̍h-tōng ti̍k-pia̍t kiông-tiāu kuan-sióng-tsiá tuì tsok-tsiá (piáu-hiān gē-su̍t ê lâng) ê kiânn-tsuè ê tsiáng-ak, lán kā hiah-ê hōo tsok-tsiá kap kuan-sióng-tsiá sán-sing kau-kânn ê tshíu-lōo, muî-thé, tuì-siōng tíng-tíng ê tsok-phín, hām tsit kui-ê kuè-tîng, lóng kiò-tsò gē-su̍t.

藝術作者傳送予觀賞者的內容,有觀念思想、感覺、感情等等各樣的抽像係項。

Gē-su̍t tsok-tsiá thuân-sàng hōo kuan-sióng-tsiá ê luē-iông, ū kuan-liām, su-sióng, kám-kak, kám-tsîng tíng-tíng koh-īunn ê thiu-siōng hē-hāng.


藝術這个詞是對日本漢字詞 芸術(げいじゅつ)來的。

Gē-su̍t tsit-ê sû sī tuì Ji̍t-pún hàn-jī-sû 芸術(げいじゅつ)lâi--ê.

藝術的種門[]

若照藝術作者所用各樣的手路佮媒體,咱會使共藝術分做無仝的種門,下面是按藝術表現的方式,佮歷史上相比並的的款式來分的。

Gē-su̍t ê tsióng-mn̂g

Nā tsiàu gē-su̍t tsok-tsiá sóo īng koh-īunn ê tshíu-lōo kap muî-thé, lán ē-sái kā gē-su̍t hun-tsò bô-kâng ê tsióng-mn̂g, ē-bīn sī àn gē-su̍t piáu-hiān ê hong-sik, kap li̍k-sú-siōng sio-pí-phīng ê khuán-sik lâi hun--ê.

  • 古典音樂
    • 作曲
    • 演奏
    • 指揮
  • Kóo-tián im-ga̍k
    • Tsok-khik
    • Ián-tsàu
    • Tsí-hui
  • 設計 (實用藝術)
    • 時行藝術
    • 圖像藝術
    • 工業設計
    • 空間設計
  • Siat-kè (Si̍t-iōng gē-su̍t)
    • Sî-kiânn gē-su̍t
    • Tôo-siòng gē-su̍t
    • Kang-gia̍p siat-kè
    • Khong-kan siat-kè


  • 這篇文章是對河佬百科(Holopedia)的:"Gē-su̍t"改來的,原本文章的作者請看伊的編輯歷史
Advertisement