學歷 | |
---|---|
| |
經歷 | |
|
胡志強(Ôo Tsì-kiông;英語名:Jason Hu,1948年5月15- ),中華民國的政治人物,吉林省永吉縣人,出世佇北平市(這馬叫北京市),英國牛津大學國際關係博士,現任(2010年)的台中市市長。
簡單經歷[]
胡志強佮邵曉鈴生二個囡仔,一個查某叫胡婷婷(佇英國發展演藝事業),一個查埔叫胡韡耀(讀國立台灣大學)[1]。
1991年上任新聞局局長。1993年,著十大傑出華人獎。1996年台海飛彈危機時擔任駐美代表。仝彼年佇台中市代表國民黨參選國大代表,當選。1997年蕭萬長組內閣的時陣,因為副總統連戰佮蕭萬長無贊同總統府出任外交部長的人選(駐英代表簡又新),胡被任命做外交部長到1999年,後來經歷過「兩國論」風波。仝年受頒英國南安普頓大學(University of Southampton)榮譽博士。
2001年代表中國國民黨參選台中市市長,拍敗彼當時脫離民進黨參選的市長張溫鷹,伊當選。2002年8月,欲月底的時陣,為着古根漢美術館佇台中起分館案,伊去美國訪問的期間煞中風,康復了後,伊的面佇講話的時陣佮左爿身軀[2]攏有中風了的各樣。2005年佇伊欲連任臺中市長選舉的時陣,受民進黨籍的對手林佳龍陣營質問伊的身體狀況無適合做市長,而且由高大成等醫師公佈伊的病歷,引發漏洩病歷的爭議,到尾伊競選連任成功。
2006年11月18日,胡志強佮伊夫人邵曉鈴去高雄為高雄市長國民黨候選人黃俊英輔選,坐車轉台中市的時陣,佇國道三號台南縣烏山頭路段,一台小客車違規駛路邊,共怹挵著,市長夫人邵曉鈴身受重傷,左手桿手術切掉[3],引起全國關心。2007年英國春季教育展期間,經過參展學生佮民眾的票選,胡志強以63%得票率當選著第一屆傑出英國校友。仝年5月30日遠見雜誌公佈二十三縣市滿意度調查結果,台中市居民光榮感排名第七、縣市長滿意度台中市長胡志強著四粒星、縣市長清廉度胡志強著第一名。
2010年初,英國《MONOCLE》雜誌上新的一期,評選伊是「2010全球上注目的十大市長」,指出胡志強上大的成功,是八年期間予台中市的犯罪率下降六成。八月確定代表中國國民黨佮民進黨籍提名的蘇嘉全,競選頭任台中市直轄市市長。
資料來源[]
- ↑ 吳昱曄、沈政峰. 邵曉鈴獨子胡韡耀 曾當雜誌模特兒 有乃母之風 . 今日傳媒. 2006-11-20 (國文).
- ↑ 鄭文正、劉金清. 曉鈴好轉 胡志強幽默功力轉好 . 聯合報. 2006-11-24: C2 (國文).
- ↑ 邵曉鈴車禍 有生命危險 . Sina全球新聞. 2006-11-19 (國文).