紅毛城（Âng-mn̂g-siânn，西班牙語：San Domingo）， 1628年西班牙人佇臺灣北部的滬尾起的城。
歷史[]
到1642年的時，荷蘭人向北趕走西班牙人，因為荷蘭人俗稱紅毛，逐家紲來開始共聖多民哥(San Domingo)城改叫紅毛城，1661年，鄭成功趕走全臺灣的荷蘭人，紅毛城落入明鄭的手頭，1681年明鄭捌修理紅毛城，而且派兵駐守，兩年後(1683年)，清朝出兵拍敗明鄭，臺灣收入清朝的版圖，一開始有派安平駐司定期巡視紅毛城，到康熙晚期漸漸失修，佇1724年淡水廳修理紅毛城，後來佇1860年清朝佮英國簽天津條約， 按天津條約需要開放滬尾的港口予外國人做生理，1861年英國佇滬尾設領事館，1868年英國共領事館徙來紅毛城。
到1970年代早期，中華民國政府開始失去佮世界主要國家的外交關係，英國佇1972年3月撤走設佇紅毛城的領事館，英國共紅毛城暫時交澳大利亞管理，仝年12月，中華民國佮澳大利亞嘛斷絕邦交，改交予美國管理，一直到1980年6月30還中華民國。
線頂資源[]
- 這篇文章是對閩南語維基百科的："Âng-mn̂g-siâⁿ"改來的，原本文章的作者請看伊的編輯歷史。