綠色螢光卵白質（li̍k-sik îng-kng nn̄g-pe̍h-tsit），英語 green fluorescent protein，簡寫GFP，是一款卵白質，有228个氨基酸，質量26.9kDa，GFP一開始是對學名Aequorea victoria的水母分離出來，這款水母佇藍色光線下跤會發綠色的螢光。[1][2]
Li̍k-sik îng-kng nn̄g-pe̍h-tsit, Ing-gí green fluorescent protein, kán-siá GFP, sī tsi̍t-khuán nn̄g-pe̍h-tsit, ū 238-ê an-ki-sng, tsit-liōng 26.9 kDa. GFP tsi̍t khai-sí sī tuì ha̍k-miâ Aequorea victoria ê tsuí-bó hun-lî tshut-lâi, tsit khuán tsuí-bó tī nâ-sik kng-suànn ē-kha ē huat li̍k-sik ê îng-kng.[1][2]
製造GFP的基因會當做基因表達的報導基因 (reporter gene)，[3] 佇現在的細胞生物學抑分子生物學的研究內底有真濟應用，2008年，Martin Chalfie、Osamu Shimomura佮Roger Y. Tsien因位對GFP的發現參研究，得著Nobel化學獎。
Tsè-tsō GFP ê ki-in ē-tàng tsò ki-in piáu-ta̍t ê pò-tō ki-in (reporter gene).[3], tī hiān-tsāi ê sè-pau sing-bu̍t-ha̍k ia̍h hun-tsú sing-bu̍t-ha̍k ê gián-kìu lāi-té ū tsin-tsē ìng-iōng. 2008 nî, Martin Tsalfie, Osamu Shimomura kap Roger Y. Tsien in-uī tuì GFP ê huat-hiān tsham gián-kìu, tit tio̍h Nobel Huà-ha̍k Tsióng.
參考文獻[]
Tsham-khó bûn-hiàn
- 這篇文章是對河佬百科(Holopedia)的："Le̍k-sek êng-kng nn̄g-pe̍h-chit"改來的，原本文章的作者請看伊的編輯歷史。