歷史

歷史（li̍k-sú）會使簡單講是"關係過去的資料"，親像"地球的地理歷史"，若干焦用這個詞，一般是指咱人的歷史，也就是前到今的人類社會的記載。咱會使對過去的記錄來知影歷史，親像佇冊、報紙、批佮人做出來的瓷仔、工具‧‧的物件，猶有以早的人、動物留落來的骨頭。圖書館、檔案庫佮博物館收集而且保存遐的物件，彼幾個所在開放予逐家來研究歷史。研究歷史的人叫做歷史學家，靠古早文化留落來的物件來研究歷史前佮歷史後的人叫做考古學家，研究人佮社會的叫做人類學家，研究啥寫的歷史佮寫歷史的方法的人叫做史學家。

人佮知影過去的人談論過去，嘛會當知影過去，這種叫做口述歷史，親像佇美國做過奴隸、美國內戰活落來的人，佇怹老的時陣，有人共怹講過的話寫落來，按呢彼段的歷史著袂拍毋見。

佇古早的世界，無仝所在的人罕咧來往，所以只有家己的歷史，有個連見過面嘛無，中古世紀的歐洲、古羅馬(Ancient Rome)佮古中國攏認為家己著是世界的主要部份，其他的部份攏是野蠻無文明的。