FANDOM


歷史(li̍k-sú)會使簡單講是"關係過去的資料",親像"地球的地理歷史",若干焦用這个詞,一般是指咱的歷史,也就是前到今的人類社會的記載。咱會使對過去的記錄來知影歷史,親像佇報紙佮人做出來的瓷仔工具‧‧的物件,猶有以早的人、動物留落來的骨頭。圖書館檔案庫博物館收集而且保存遐的物件,彼幾个所在開放予逐家來研究歷史。研究歷史的人叫做歷史學家, 靠古早文化留落來的物件來研究歷史前佮歷史後的人叫做考古學家,研究人佮社會的叫做人類學家,研究啥寫的歷史佮寫歷史的方法的人叫做史學家

人佮知影過去的人談論過去,嘛會當知影過去,這種叫做口述歷史,親像佇美國做過奴隸美國內戰活落來的人,佇怹老的時陣,有人共怹講過的話寫落來,按呢彼段的歷史著袂拍毋見。

佇古早的世界,無仝所在的人罕咧來往,所以只有家己的歷史,有个連見過面嘛無,中古世紀歐洲古羅馬(Ancient Rome)佮古中國攏認為家己著是世界的主要部份,其他的部份攏是野蠻無文明的。

關係歷史的題目:


  • 這篇文章是對河佬百科(Holopedia)的:"Le̍k-sú"改來的,原本文章的作者請看伊的編輯歷史
  • 這篇文章嘛是對簡單英語維基百科的:"History"改來的,原本文章的作者請看伊的編輯歷史
除了特别提示,社区内容遵循CC-BY-SA 授权许可。