台語百科 Wiki
Advertisement

文學(bûn-ha̍k)是某物款語言、時代,抑是文化等等,一个確定的群體寫作的作品總號名,對傳統的角度來講,文學予咱會當了解某一陣人(或是講民族 )的價值觀佮興趣,誠濟人共文學當做學習別項文化的上好的方式的一種。

Bûn-ha̍k sī bóo-mi̍h-khuán gí-giân, sî-tāi, ia̍h-sī bûn-huà tíng-tíng, tsit-ê khak-tīng ê kûn-thé siá-tsok ê tsok-phín tsóng-hō-miâ. Tuì thuân-thóng ê kak-tōo lâi kóng, bûn-ha̍k hōo lán ē-tàng liáu-kái bóo-tsi̍t-tīn lâng ( hi̍k-sī kóng bîn-tso̍k ) ê kè-ta̍t-kuan kap hìng-tshù. Tsiânn tsē lâng kā bûn-ha̍k tòng-tsò ha̍k-si̍p pa̍t-hāng bûn-huà ê siōng-hó ê hong-sik ê tsi̍t-tsióng.

文學嘛是有揣想抑創造性的寫作的意思,對這點來講,就較講kioh文學的藝術價值。

Bûn-ha̍k mā-sī ū tshuí-sióng ia̍h tshòng-tsō-sìng ê siá-tsok ê ì-sù, tuì tsit-tiám lâi kóng, tō khah kóng-kioh bûn-ha̍k ê gē-su̍t kè-ta̍t.

若照西國的分類,一般分做散文戲劇三大類,散文內底,包括小說佮非小說二類,佇某一寡分類方式呢,嘛共口傳的算在內,號做口傳文學,另外嘛有閣較幼的部類,親像敘事詩 (epic)、傳說 (legend)、神話、民間歌謠 (ballad),別款款式的口傳詩佮民間故事等等。

Nā tsiàu se-kok ê hun-luī, it-puann hun-tsò sàn-bûn, hì-kio̍k kap si sann tuā-luī, sàn-bûn lāi-té, pau-kuat siáu-suat kap hui-siáu-suat nn̄g-luī. Tī bóo-tsi̍t-kuá hun-luī hong-sik--ni̍h, mā kā khóo-thuân--ê sǹg-tsāi-lāi, hō-tsò khóo-thuân bûn-ha̍k. Līng-guā mā ū koh-khah ìu ê pōo-luī, tshin-tshīunn sū-sū-si (epic), thuân-suat (legend), sîn-uē, bîn-kan kua-iâu (ballad), pa̍t-khuán khuán-sik ê khóo-thuân si, kap bîn-kan kòo-sū tíng-tíng.


Advertisement