T72坦克（翕相：cell105）
坦克（英語：Tank）是一種戰車，佇中國古代的戰爭當中，戰車著予人當做一種重要的突擊裝備，受著古早人的重視，佇現代的戰爭當中，戰車作為陸軍建設的基礎裝備，閣較是受著軍方的普遍重視，其中，坦克俱備攻擊佮防守的能力，佇戰場頂愈來愈猛，得著軍政當局，尤其是陸軍的佮意，所以坦克裝備嘛得著真大的發展。
Thán-kik (Ing-gí:Tank, Hàn-jī:坦克) sī tsi̍t-tsióng tsiàn-tshia, Tī Tiong-kok kóo-tāi ê tsiàn-tsing tang-tiong, tsiàn-tshia to̍h hōo-lâng tòng-tsuè tsi̍t-tsiòng tiōng-iàu ê tu̍t-kì (Hàn-jī : 突擊) tsong-pī, sīu-tio̍h kóo-tsá lâng ê tiōng-sī. Tī hiān-tāi ê tsiàn-tsing tong-tiong, tsiàn-tshia tsoh-uî lio̍k-kun kiàn-siat ê ki-tshóo tsong-pī, koh-khah sī sīu-tio̍h kun-hong ê phóo-piàn tiōng-sī. Kî-tiong, Thán-khik kū-pī kong-kik kah hong-síu ê lîng-li̍k, tī tsiàn-tîunn tíng lú lâi lú bíng, tit-tio̍h kun-tsìng tong-kio̍k, îu-kî sī lio̍k-kun ê kah-ì, sóo-í, thán-kik tsong-pī mā tit-tio̍h tsin-tuā ê huat-tián.
坦克的效能佇咧伊的攻擊能力、防守能力佮機動能力。
Thán-kik ê hāu-lîng tī-leh i ê kong-kik lîng-li̍k, hông-síu lîng-li̍k kah ki-tòng lîng-li̍k.
- 攻擊能力：坦克一般配備一門一公尺粗火炮，一欉防步兵佮一欉防低空的機關銃，少數的防空彈佮反坦克導彈，兩个火箭發射器，這以外，閣有以計算機為心臟的火控系統， 較揜屧的多角度銃子發射空，俱備遮的功能，坦克的攻擊能力變甲遐爾仔強。
- Kong-kik lîng-li̍k : Thán-kik it-puann phuè-pī tsi̍t-mn̂g tsi̍t kong-tshioh tshoo hué-phàu, tsi̍t-tsâng hông pōo-ping kah tsi̍t-tsâng hông te-khong ê ki-kuan-tshìng, tsió-sòo ê hông-khong-tuânn kah huán thán-kik tō-tuânn, nn̄g-ê hué-tsìnn huat-siā-khì. Tse-í-guā, koh-ū í kè-sǹg-ki uî sim-tsōng ê hué-khòng hē-thóng, khah iap-siap ê to-kak-tōo tshìng-tsí huat-siā khang. Kū-pī tsià-ê kong-lîng, Thán-kik ê kong-kik lîng-li̍k piàn-kah hiah-nī-á kiông.
- 防護能力：採用複合裝甲，予普通的炮彈真僫得共拍迵過；採用主動裝甲，抵抗專用穿甲彈的攻擊；採用分艙的技術，提懸整體生存能力，這以外，猶閣俱備較完善的防毒氣的功能。
- Hông-hōo lîng-li̍k : tshái-iōng hok-ha̍p tsong-kah, hōo phóo-thong ê phàu-tuânn tsin oh-tit kā phah thàng-kuè; tshái-iōng tsú-tōng tsong-kah, tí-khòng tsuan-iōng tshuan-kah-tuânn ê kong-kik; tshái-iōng hun-tshng ê ki-su̍t, thê-kuân tsíng-thé sing-tsûn lîng-li̍k, tse-í-guā, iá-koh kū-pī khah uân-siān ê hông to̍k-khì ê kong-lîng.
- 機動能力：坦克俱有大約1500馬力的發動機，相當於火車抑是機動車的動力；鍊帶或著多輪式的行駛系統，進一步提懸坦克盤山過嶺的能力；紅外線潛望鏡系統會當保證坦克車良好的thong視能力；另外，gâu蹽水佮優秀的水面行駛能力予坦克車俱備水陸作戰的效能，這陣，大多數的坦克，攏有70公里以上的越野速度，60度的peh崎能力，會當挵過一公尺厚的壁牆，食水深度達到2公尺，踮水面航行10公里無問題，俱備遮爾濟優良的性能，會當看出坦克的機動性是其他的汽車永遠無法度通比並的。
- Ki-tōng lîng-li̍k : than-kik kū-íu tāi-iok tsi̍t-tshing gōo-pah bé-la̍t ê huat-tōng-ki, siong-tòng î hué-tshia a̍h-sī ki-tōng-tshia ê tōng-li̍k; liān-tuā (履帶) hi̍k-tsiá to-lûn-sik ê hîng-sú hē-thóng, tsìn-tsi̍t-pōo thê-kuân thán-kik puânn-suann kuè-niá ê lîng-li̍k; âng-guā-suànn tsiàm-bōng-kiànn hē-thóng ē-tàng pó-tsìng thán-kik-tshia liông-hó ê thong-sī lîng-li̍k; līng-guā, gâu liâu-tsuí kah iu-sìu ê tsuí-bīn hîng-sú lîng-li̍k hōo thán-kik-tshia kū-pī tsuí-lio̍k tsok-tsiàn ê hāu-lîng. Tsit-tsūn, tuā-to-sòo ê thán-kik, lóng ū tshit-tsa̍p kong-lí í-siōng ê ua̍t-iá sok-tōo, la̍k-tsa̍p tōo ê peh-kiā lîng-li̍k, ē-tàng lòng-kuè tsi̍t kong-tshioh kāu ê piah-tshîunn, tsia̍h-tsuí tshim-tōo ta̍t-kàu nn̄g kong-tshioh, tiàm tsuí-bīn hâng-hîng tsa̍p kong-lí bô būn-tuê. Kū-pī tsiah-nī tsuē iu-liông ê sìng-lîng, ē-tàng khuànn-tshut thán-kik ê ki-tòng sìng sī kî-thann ê khì-tshia íng-guán bô huat-tōo thang pí-phīng--ê.
坦克車的類別[]
坦克車會當分做四種的類型：主戰坦克、中型坦克、輕型坦克佮特種坦克。
Thán-kik-tshia ê luī-pia̍t
Thán-kik-tshia ē-tàng hun-tsuè 4-tsióng ê luī-hîng : tsú-tsiàn thán-kik, tiong-hîng thán-kik, khin-hîng thán-kik kah ti̍k-tsíng thán-kik.
主戰坦克主要是用來佮敵人的坦克作戰；中型坦克主要是配合步兵作戰；輕型坦克會當用軍艦運送抑是空運到作戰的所在，用來配合空降兵抑是海軍陸戰隊的作戰；特種坦克一般是無人駕駛的輕型坦克，會使佇戰場頂做偵察，嘛會使用來載滿火藥衝入敵軍的重要軍事設施，了後共伊炸掉。
Tsú-tsiàn thán-kik tsú-iàu sī iōng-lâi kah ti̍k-jîn ê thán-kik tsok-tsiàn; tiong-hîng thán-kik tsú-iàu sī phuè-ha̍p pōo-ping tsok-tsiàn; khin-hîng thán-kik ē-tàng iōng kun-lām ūn-sàng a̍h-sī khong-ūn kàu tsok-tsiàn ê sóo-tsāi, iōng-lâi phuè-ha̍p khong-kàng-ping a̍i-sī hái-kun lio̍k-tsiàn-tuī ê tsok-tsiàn; ti̍k-tsióng thán-kik it-puann sī bô-lâng kà-sái ê khin-hîng thán-kik, ē-sái tī tsiàn-tîunn tíng tsò tsin-tshat, mā ē-sái iōng-lâi tsài-muá hué-io̍h tshiong-ji̍p ti̍k-kun ê tiōng-iàu kun-sū siat-si, liáu-āu kā i tsà-tiāu.
評論[]
坦克的作用當然真重要，不而過若是無其他兵種的配合佮支持，嘛會成做反坦克步兵佮武裝直升飛機的肉砧，予伊無法度發揮功效，話閣講倒轉，假使敵人的步兵若無佩備對付坦克的重武器，當當伊遭受坦克攻擊的時陣，恐驚嘛會真不幸，凡勢準算孫武在世嘛無伊法，只好看破kin-liâu, 較袂拄著pa̍t-tiâu。
Phîng-lūn
Thán-kik ê tsok-iōng tong-jiân tsin tiōng-iàu, put-lī-kò nā-sī bô kî-thann ping-tsióng ê phuè-ha̍p kah tsi-tshî, mā-ē tsiânn-tsuè huán thán-kik pōo-ping kah bú-tsong ti̍t-sing hui-ki ê bah-tiam, hoo i bô huat-tōo huat-hui kong-hāu. Uē koh kóng tò-tńg, ká-sú ti̍k-jîn ê pōo-ping nā bô phuè-pī tuì-hū thán-kik ê tàng-bú-khì, tng-tong i tso-sīu thán-kik kong-kik ê sî-tsūn, kióng-kiann mā-ē tsin put-hīng, huān-sè tsún-sǹg Sun-bú tsāi-sè mā bô i huat, tsí-hó khuànn-phuà kin-liâu, khah-buē tú-tio̍h pa̍t-tiâu .