FANDOM


(tshuì)阁叫做喙腔(tshuì-khiunn)是人类动物食物件第一个入口通道,一般位伫头部,大部份的动物有一套复杂的消化系统,有双个开喙,入口是喙,出口是尻川,嘛阁犹有动物简单有一个开喙,食入佮排出是仝一个。

诚济的动物喙内阁有喙齿(mouthparts)来哺咬食物或注射毒液。

伫人类,喙的外面有顶悬佮下跤两片喙唇,怹有讲话 (speech)、颜面表情(facial expression)、相吣(kissing)、吸吮 (sucking)等等功能。

人中(philtrum)是顶悬喙唇中央一条徛直的塌窝,是胚胎发育期间nasomedial佮maxillary程序相佮做伙的痕迹,若是无完全相佮成功,就出现缺唇缺喙Cleft palate的情形。

伫人类,喙内犹有喙齿喙舌齿岸黏膜器官组织

解剖 编辑

喙腔的头前是喙唇,尾后是喙咽,内底有喙齿齿槽喙舌,四面壁包覆喙腔黏膜(oral mucosa),以喙齿或无齿脊 (edentulous ridge)或分界,喙齿进前的喙腔是喙腔前庭区(vestibulum oris),阁会当幼秀共分做唇前庭区(labial vestibule)佮颊前庭区 (buccal vestibule),喙齿或无牙脊的后面是正喙腔 (cavum oris proprium),贿舌伫遮呢。

喙腔黏膜有两类,一类是角化上皮,另一类是非角化上皮喙舌的顶悬表面,hard palate,佮喙齿边仔几个 mm 的齿岸是角化上皮,其他所在是非角化上皮,喙腔黏膜的色致基本上是红色的,角化上皮的色致较浅色,摸起来较橂硬,亲像袂振动,非角化上皮色致较深色,较柔软,gâu振动,微血管看较明显。


除了特别提示,社区内容遵循CC-BY-SA 授权许可。