古細菌（Kóo-sè-khún，archaea）是現此時生物分類三域系統(three-domain system)上頂層的一个分類，另外二个是細菌佮真核生物，古細菌和細菌仝款，是無細胞核(cell nucleus)的單細胞生物，算是一種原核生物(prokaryote)，往過"五界系統"的分類共掠做原核生物界(Monera)，頭起先掠準怹計是極限生物(extremophile)，尾仔發現逐種環境攏有古細菌佇咧。
Kóo-sè-khún (artsaea) sī hiān-tsú-sî sing-bu̍t hun-luī 3 hi̍k hē-thóng (three-domain system) siāng tíng tsân ê 1 ê hun-luī, līng-guā 2 ê sī sè-khún kap tsin-hi̍k-sing-bu̍t. Kóo-sè-khún ham sè-khún kāng-khuán, sī bô sè-pau-hi̍k (cell nucleus) ê tuann-sè-pau sing-bu̍t, sǹg sī 1 tsióng guân-hi̍k-sing-bu̍t (prokaryote), íng-kuè "5 kài hē-thóng" ê hun-luī kā lia̍t tsò Monera. Thâu-khí-sing lia̍h-tsún in kè sī ki̍k-hān-sing-bu̍t (extremophile), bué--á huat-hiān ta̍k tsióng khuân-kíng lóng ū kóo-sè-khún tī--leh.
- 這篇文章是對河佬百科(Holopedia)的："Kó͘-seng-khún"改來的，原本文章的作者請看伊的編輯歷史。